5 Days in Beijing - Day 1

13/9/2009

早上八點起飛,臨起飛前send左個SMS俾蔡生(有心地吵醒佢)。

在機上,好想睡....但又要等食飛機餐,不過一食完即訓....因為真係訓得四個鐘咋。

今次呢個團好搞笑...首先講下有咩人...

有「一家四口」下稱「愛生事家庭」(兩名近三十的中女與兩名年老長者,其媽媽更行動不便)

有「歌王與拉打老婆」(年約五十多歲)

有「皇帝與皇后」(年約五十多歲)

有「聾啞兩公婆」(年約四十)

有「飯桶兩公婆」(年約五十多歲)

有「靚生與靚太」(年約近三十)

有孝順母女二人組,我同mama,團友maggie及其mama。

整個團18個人。

一到北京機場...大家當然係急急腳去....廁所先....

再過關喇....到拎埋行李....大部分團友到了....只欠愛生事家庭喎。

點知一家三口到齊欠行動不便的mama,個女竟然問領隊:
「喂...你有冇見過我阿媽?!」
大家o咀....仲要領隊主動打電話.....睇到團友們眼突突。

出左閘...見到係男導遊,本來都冇咩野....

點知佢把聲猶如催眠,我的形容:佢係果d令你好想走佢堂的lecturer

第一站食個團餐先....麻麻地喇....唔係豪華團唔望有咩好野食....

最好就係我地分兩張檯食飯,我地只有10個人..

其中「飯桶兩公婆」的老公真係只係食飯...食左3-4碗呀....
之後起程出發去故宮...好期待。

原來故宮後門係對住景山公園的。門口當然例牌拍個照喇!

(紅牆路...立即幻想到金枝欲孽的情節...)

故宮大到痴線...行到你傻。一入去就睇到慈禧太后當年掉珍妃入井的「珍妃井」。

之後仲有睇好多珍寶,鐘錶etc...仲有去睇慈禧太后張床....不過反光影唔到。

(好似我屋企果張舒服d喎!!*)
其實故宮的建築真係值得一睇的。

(瓊樓玉宇?!)

(呢度後面就係古時果d文武官上朝必經的地方)

*個人覺得故宮的真身並沒有電視上如此冠冕堂皇,但在太和殿前看,的確感到紫禁城好宏偉*
其間好爆的事情又發生....歌王與拉打老婆在故宮內不停擺pose影相,

有一張我睇到...個老婆的pose係咁(隻手真係咁架):

(oh my god!!*)

到王府井大街,仲可以行東華門夜市,

我咁大個囡第一次食羊肉,真係估唔到咁好食。

夜晚又係食左個團餐就回酒店...五星級,但我覺得仲衰過台灣的四星。

回到酒店敷個mask....訓訓訓....