very busy with TV

我好忙要追哂3線劇集。
絕代商驕,古靈精探B,仲有就係重播N次都會睇的「我和殭屍有個約會I」。
但由於阿媽是長期的ATV FANS,仲追埋套韓國師奶劇(做個半鐘架~)。搞到成日同我作對。
於是我讓佢睇20:30-21:30。
到21:30食飯時我就睇古靈精探B...睇到22:30,就可以上網Download返絕代商驕。
再睇到23:30,可以睇NEWS.........
睇完NEWS轉返去ATV,可以睇小新,睇多一陣就做「我和殭屍有個約會I」。
當我睇緊時,媽媽就會用PPS睇返剩餘半個鐘的韓國師奶劇...
一睇...就睇到02:00...............
呢種如此充實的生活實在令我好滿足呀~

+++++++++++++++++++++++++++++++++++++++++++++++++++++++++++

另,有一件令我好雀躍的事:

如果前一兩年識我的人,同過我去JUSCO美食廣場食飯,

都應該知果到有一個「雞扒烏冬鍋」我係食極都唔厭,只要去FOOD COUNT食,一定食呢個。
個「雞扒烏冬鍋」餐好抵食,HKD$30,有埋野飲,餃子,同甜品。
但可能就係因為太抵...前年開始JUSCO已經摺埋左呢個餐。我就冇得食喇....

豈料我上星期行過JUSCO FODD COUNT,見到我心愛的「雞扒烏冬鍋」又再出現。
不過加左價...HKD$32..同埋好似冇餃子送了。
可惜我發現得佢太遲,過左佢的供應時間,果天仲未食到呀!
我要快D去食呀!!好懷念果種味道。