周記

過了一個十分充實的星期........
放工日日都有節目!
mon:day off......
tue:同呀豬去睇史力加3
wed:公司加班食pizza hut!
thur:同堅少去食飯
fri:蔡生同事生日party!

你看....我的生活多精彩~
我在兩個星期內吃了3次sushi,一次板前,一次元綠,一次金太郎!
之後一個星期內唱2次k.......
我要停食sushi起碼一星期!

星期一....由於City offer左marketing俾我,
蔡生就陪我過city拎offer letter......之後shopping @ 又一城。
落旺角.....去左suzuki食dinner.....(同事話好浪漫.....但係我地覺得好熱)
仲食埋krisy kreme呀......好甜的冬甩.....再去買野飲,食雞串....
真係超happy同滿足呢~*

史力加3真係好搞笑.......尤其薑餅人回想自己由焗爐出黎,
讀書呀!識女朋友呀!結婚呀.....唔知點解我覺得好搞笑呀~
而且薑餅人又好得意呢~

fri十分變態.....話說我飲完兩支藍妹我都冇事.......
點知自己貪得意......飲左一杯芝華士mix綠茶.....(幾好飲喎!!)
再飲多一杯......起身去toilet的時候......發現行唔到直線囉.....
蔡生就飲得仲多......仲wing過我啦.....

不過......去左呢個party令我覺得自己的決定再讀書係冇錯的。
因為蔡生有位同事同我同年,家庭負擔很大(仆x!!人家是供翔龍灣的)
即使好討厭這份工作,仍要去捱!!!
因為有學歷不高,不可能找到比sales更高salary!
所以在我沒有很大家庭負擔的時候.....都是去選擇再去讀書啦!

呢位女同事好搞笑....我坐佢隔離.....佢就同我講:
「你知唔知你男朋友好錫你架?」
「佢係敬業樂業的人。」
「佢工作好勤力架!」
「佢都成日同我地提起你!」
嘩!!!原來都有人支持蔡生架喎......哈哈!不過由第三者口中聽到這些說話...
原來是很開心的!!!hehehe......