Come Down To MAC tonight!

星期六晚，和呀豬去了24小時M記.....
通頂溫econ.....因為我有十萬個唔識....
一定要勞煩下佢.......佢真係俾我麻煩左佢成晚...
有唔識就問問問.....真係「唔話得」呀!!
我們的主題曲係:Come down to MAC tonight!

你們知道嘛!!24小時的m記真係乜都有!!
有我同呀豬....仲有三名男子咁岩一齊溫econ....
(乖乖的學生們.....呵呵呵)

又有兩個人係度「講耶穌」!個問題係....凌晨走黎「傳福音」...
他們的對話有十萬個搞笑....
甲(質疑地)問:「人好難唔「偷食」!你諗下...夏娃都「偷食禁果」啦!」
乙(批判地)說:「佢唔係(性)上面gei「偷食」...係真係食果d食。」

他們走後.....
我問:「what's a pity!伊甸園只係得阿當同埋夏娃。佢點偷食呀?」
呀豬:「咪係!想「偷」都冇得「食」呀!」
........哈哈哈哈哈哈

另外,有一大堆男子打psp....玩uno....狂叫囂~
他們足足hyper了一整夜.....
(唉!現今的青年人真是精力充沛到爆炸!!)
*圖片上中間男子....他足足三個多鐘維持同一個post...
眼睛瞇成了一條線.....比我還專心。

總之,愈夜愈mk.....有幾個男子冇psp又冇nds.....
係度「坐」左兩個鐘....擺明「扮街童」啦!

何解我話佢地好mk呢?因為.....
我見到一個「髮型」有久別重逢的感覺!!
佢個頭係一個電左負離子然後全頭都是金色的呀!!
(全頭金呀!!!我問你幾耐冇見過?)
經過我的observe.....發現他真是沒有家歸的....
進進出出幾十次....每當我以為他要走....幾mins後又回來...
原因是:他要出去smoking!!
真是他媽的有良心。

令我大惑不解的是....為何凌晨時段(1:30打後)....
仲會有人食m記的餐?宵夜吃一個漢堡包?會唔會太多呀?
原來04:00就會有早餐.... after 02:00就會沒有ice-cream.

當然，還有「訓街人士」!他們更會吃「二手餐」.....很恐怖!

其實，午夜的m記真的像一個廢墟....
不過就猶如Eason唱的歌詞:
「為午夜渴采!」

有mcdonald的morning....先係good morning!

呢個係我通左一晚頂最大的力量.....