Study Room

晨早就去自修室,記下的事有:

-同winkle一齊見到梁頌佳呀!

-堅少過黎.....無啦啦啦佢係森美,我係小儀。
佢仲話winkle好nice....
呀!!winkle話多謝你喎堅少。
(唉....又唁見你讚下我nice,死仔!)

************************************************
港女
呢個term係上年何予講我知的。
雖然我係一個女仔......
但係有時我都覺得「港女」好過份。

就係因為有咁多「港女」,依家男人先要返大陸娶老婆。
港女係咁話男人冇用....冇錢.....鍾意大陸女人,
又唔諗下自己的行為!!

最經典就梗係:「$63.8，睇穿你人格」事件。

Jenny在she.com的談話內容

「我去city super買左幾十蚊野，
但我男友眼白白睇著我俾錢都唔幫我俾，我覺得佢幾cheap.

我買左幾包零食，佢都有份食同俾意見，跟著就排隊俾錢喇，
咁個cashier話$63.8，咁我就好自然Q埋雙手等佢俾錢喇，
點知佢好似無意識咁，郁都唔郁，咁我扮攞銀包出黎等佢醒目下喇，
佢都仲係咁，我咪自己俾law....
雖然買野之前餐飯&買野之後齣戲都係佢俾錢，
(d零食都係睇戲時食，佢都有份食ga ma)

我都係同佢開始左無耐，
真係要諗清楚同唔同佢一齊呀!
總之$63.8就睇清楚佢喇」

佢係咁話佢男友cheap....其實cheap果個係佢...
男朋友一定要包接送，包行街shopping，包報到咩?
真係痴線!

現今的香港男仔真係幾辛苦架....由於男女平等,
大把女仔都 u grad!拎住個degree....
男仔唔讀返咁上下書就會難搵工....
搵左一份工又要還學費,又何來有錢俾首期?結婚?
仲要有d咁麻煩....咩都要講錢的女朋友.....
不如唔結婚.....晚晚流連蘭桂坊好過。

我係一個傳統覺得結婚係要做足全套的人....
因為我呀媽得我一個女,要嫁得風風光光嘛!
不過,當我知道一個美麗難忘的回憶背後要用咁多錢....
仲要男家一家俾哂.......突然覺得做女仔真係好。

女仔....體諒下啦!!用自己錢不是開心d嗎?
自給自足，自食其力，不要把一切當作理所當然。
**********************************************