冇大志?!

我會考得12分,讀左一年A-Level...
正所謂自己知自己事....
有人jupas可以填廿個廿個都係degree....
仲要個個都係心中想入的.....
好似填中學咁易....
我填jupas要填d「水泡科」.....or勁冷門....
先有機會可能有個degree....
唔敢填多個5個.....之後就係咁填High Dip....
如果真係連有興趣的科都入唔到...
真係俾錢讀樹仁我都肯.....
呢種思考係唔係冇大志?!
我依家講定就俾人覺得我冇大志....
咁如果我唔講,到時放jupas之後都係一樣...
咁人地就覺得「呀~佢都係因為考唔到....所以先咁」
我從來都唔係一個誇大的人....
我讀scc的時候我唔會同人講我可以考16分入返原校!
我會同人講我覺得自己得6分......到頭來我有12分就當一個bonus!

A-Level入面.......努力同你個result根本就唔成正比~
天份係最重要果part!想當年幫我F.1-F.3補習的姐姐...
佢考a-level果時讀到要生要死,人地屋企唔玩電腦,
日日食完飯就溫書.....一日讀成5-6個鐘......
仲要做part-time!我都覺得佢咁勤力一定可以入到大學.
最後....佢都係讀左一年樹仁,先入得返BU!
我知道當年佢都係唔甘心....因為佢付出過....

家長永遠就係咁....覺得讀咁耐書都只係為大學....
你入唔到就即係同冇學歷一樣!
果d咩「求學不是求分數」,全部都係廢話~
但係.......我想講一句....
一年入面有幾多個人會考唔夠14分....有幾多個0分...
一年入面有幾多萬人去考A-Level而係有幾多千人係no offer?!
咁佢地全部都係冇大志啦?!佢地全部都係冇用啦?!
如果我的大志係想做醫生....但係我的能力唔得....
咁我有大志呀....不過冇能力!
個個都想好似李嘉誠咁有錢咁成功啦.....都有大志呀...
但係可唔可以好似人地咁有腦....可唔可以咁多錢做投資?
有大志都要量力而為.....
有好多野唔係話就得......我夠話我將來想做空姐啦.....
但係唔夠高就根本唔駛諗......

我想講gei係.....有冇大志唔係你講.....
我係唔係浪費緊我呀媽錢都唔係你可以評論....
唔係你冇資格.....而係跟本好難去體會....
講真我係好hurt.....我係好嬲.....我係唔服!!!!
我訓唔到.....我同呀媽講....呀媽話叫我唔好理....
呀媽話叫我俾心機就得.....呀媽話知道我唔係冇大志!
蔡生同我講...「唔好為左一d別人主觀的意見就傷心!」
因為根本就唔值.....亦都唔係一d可以改變的事....

我諗...............大志唔係咁易講出黎!
夢想可以好易咁講....
理想都可以好易咁講~
不過...大志唔係咁易去衝量同評估..
如果我冇大志gei話.....
我可以講:「我讀完中六就quit左啦!我仲係度做咩?!」


====================================
你睇完可能會唔明點解我咁激動....
可能覺得我係一個小朋友咁發脾氣....好幼稚!
但係...請嘗試企係我的角度去思考!