節目多多

一起身就俾何予欣小姐打黎叫左出去!
我地去圖書館借書....佢見到我借兒童心理的書,
都問我:「你做咩要研究兒童心理呀?!」
重伸多幾次:「我唔係想生仔....係要做功課呀~~~~」
and then就同佢去搵吳小姐問下讀展翅邊個course會好d.

呢個時候黎媽媽就打黎叫黎家家去食米線....
何小姐立即雙眼發光....跟黎家家和黎媽媽一起去...
黎媽媽迫何小姐同未夠18歲的我去買六合彩....
門口的「食蕉」真係好唔得....入面有兩個衣著打扮只得15,16歲的.
佢地咁都唔捉...?!?!所以我都安然無事....因為我都比較老嘛!
媽媽俾左20蚊何予去買電腦票...我同何予再去劃一張...
隔離的姨姨好落力咁教我地劃,同何予係亂黎的....
有我生日,有佢生日,有sopan生日同有蔡生的生日日子....
之後仲有黎媽媽的生日:3號.........
點知,個姨姨話:「3號未開過」........但係都劃左了....

去食米線....何予同媽媽的溝通真的好得意~
因為佢地好似朋友咁....何予同媽媽坐同一邊...
何予一想講野,隻手就會不自覺咁掂一掂我媽媽的"博頭"!
佢地兩個好好笑.....好friendly呢~
仲要話介紹何予的表弟俾我識....醫科學生嘛~哈哈哈*
請不要當蔡先生是死的~hehe

成家人食野咁...返去拎card reader給蔡生....
之後即去對六合彩....我地兩張都中了20蚊....
何予可以分返10蚊....你不會同你老豆斷絕父囡關係吧?!

晚上跟邵銘津chat了很久msn....入了nursing也不差呀!
要知足呢~佢好明白A-Level的辛酸呢....
同佢傾...佢又教我點填jupas先好....又教我要點讀書~
真係好好呀.......佢的經驗教識我好多野....
要知道咩先係適合自己....我同佢都係3....可以sms吹水了*
在新的地方要有新的開始....當然不可忘了我.....
呀!!!好好笑的.....邵銘津讚蔡生not bad....ok樣呀.....(我暈了!)

chat到2點半到....又打去同呀豬傾電話.....好耐冇同佢傾計了!
好親切的感覺呢~大家都話A-Level係大壓力的,即使冇做野都有壓力...
當黎家家加呀豬就好似楊丞琳同林依晨.....兩個係咁講屋企野~
係咁講錢....哈哈哈.......畢竟都是貧窮的家庭....
唯有寄望六合彩....
傾到六點先去訓.....好滿足呢~ 天光了

可是....仍有烏雲呢~