凌晨

依家係凌晨2點半,我仲係度同陳同學談論美白...
美白同減肥可算係女仔的盡身職業~
夏天又要白,冬天又要白,一年四季都要白...
老人家果句「一白遮三醜」真係乞人憎!
減肥又係......細細個肥就話「哎呀!肥0都0都好得意」
大大下就話...「咩你咁肥架...再肥到好似欣宜咁就嫁唔出喇!」
(好彩呢排欣宜翻漲到200磅!!)
欣宜都可以話係全香港女性的指標,只要肥過欣宜的,
都會有想死的衝動~記得有一排佢個體重直迫到100磅的時候,
我係勁驚的呀!!!仲係咁諗多種方法去減肥....
好彩最後佢都不成功了!如果唔係我又要諗下點減肥喇~
不過,我次次都係講....最叻都係唔食飯...因為真係冇恆心做運動~
講下今日做過咩先..........
今日就係....跳舞日....個shoulder同盤骨好痛....
因為我尋日抬書的關係.....好痛好痛....
之後仲係咁企...冇乜點坐過....我真係唔可以做sales...
企足十幾個鐘真係會?我命!
夜晚同媽媽去euro-gogo食dinner...仲同隔離的情侶傾計!
阿媽又係三九唔識七就同人講野...雖然係果個女仔問我野先.
不過之後佢地就係咁講....個女仔又應佢喎!!
個男仔同我都冇咩點講野...個feel十分好笑....
回家的道路,媽媽又講了她的趣事俾我聽~
中間夾雜了一句粗口....好可愛呀佢....
搞到我係咁笑笑笑.....
係euro-gogo又係喎...見到個男仔好似係何予的朋友...
(何予....好似係阿翁....掛?!同個女仔一齊的)
我就同阿媽講:「呀...呢個好似係何予的朋友」
阿媽望了望,連忙點頭:「係呀係呀...好似係」
我問:「喂!我都唔肯定,係咁肯定?!你見過呀?!」
媽媽令人o咀的回應:「你話係呀嘛....咁我咪話係囉」
不禁講一句......「玩野呀?!」
之後佢自己沾沾自喜.........short左了*
唔止呀!!今餐之所以食euro-gogo係佢提出架....
佢話:「呀~不如我我地試下上面新開的euro-gogo」
精明的我又問:「你又識讀『euro-gogo』??」
佢又給了我一個o咀的回應:「頭先我上去行下,有個人係我隔離讀」
我只好答佢:「好喇!我地上去睇下岩唔岩食啦!」

食euro-gogo,令我好掛住我係隔離睇波的日子~*