多日的事

我有好多好多野想表達出黎.....
要打返呢幾日的事...
要打返呢幾日的感覺...
可能會打一篇長的日記...
朋友們....有耐性就睇啦....
----------------------------
24/3 dancing exam ]]
好早就返到去,因為大家都好驚....
大家都想pracice多d.....我地組好lucky呀.
抽中左B題...b題的舞冇咁辛苦....
一路等考的時候,收到好多sms同voice mail...
鎏鎏都記得我考跳舞.....好開心呢...
cathy的留言令我覺得好warm好warm...果一刻好掛住佢...
突然覺得cathy好似係好遠的地方咁....
好想見下佢呢....~
最後收到sms就係蔡samuel send的喇........
唔夠5點就入左去....個考官我見過架喇....但係都有d驚....
第二個動作諗住好熟,點知就做錯喇......shit~
不過都係minor mistake來的....好快就考完....
我地個個考12級的....考完出黎成身大汗...塊面紅哂....
因為真係好用力去跳.....好盡力去跳...
我條腰....痛到阿媽都唔認得....係咁啪消炎丸....
6點到返到tuen mun,沖涼洗頭就出去補阿june了....
阿june今日有south china morning post的人訪問佢呀...
佢好搞笑囉....又話叫佢地唔影學生.....
但係都有影我地呀.........我同呀豬好似都入左鏡......
哈哈哈......
之後就去同蔡samuel共晉晚餐喇....食秋田....
好美味呢....一定肥死我的了....因為,我運動完就食...
極度吸收....hehehehe....
返屋企即刻訓訓訓......zzzzzzz
咁就完左12級....只剩下最難最辛苦的13級喇....
咁就畢業了..........

呢位小妹妹一級架...佢又係叫kaka...
miss一叫"kaka",就會有兩個人一齊望住佢.....哈~

25/3 dancing exam and cousin's poly drama show
係9:30就出到去tsuen wan....我要入去考場負責播音樂...
我睇哂咁多組考生....講真...係幾悶架....
有時仲成日都係a題.....幾組一樣咁....
睇睇下...我好似見到唔同時代的自己....
8級>>>我係大興體育館跟miss lau學跳舞
5級>>>我係仁愛堂體育館跟miss lau學跳舞
4級>>>同上.
計計下,我學左跳舞都有10年....跳舞已經唔經唔覺陪左我十年...
記得細個好怕話俾人知我學中國舞....因為中國就係唔好咁...
但係依家,我會好主動話俾人知....即使果個人係有bias的,
我都認為,中國舞都有佢的特色,有佢困難的地方....
一個人地睇落好簡單的動作,我地可能係苦練左好耐先可以做到.
十年入面,我究竟得到d咩....??咁多級的證書?!?!
我自己都唔知得到d咩....或者就係唔怕面對群眾...
跳舞的確俾到我信心的.............

5:30就出左mong kok同媽媽一齊choose gift俾表哥...
我地見到張「菇凳」....好得意呀....咁就buy左....
then go to poly u by taxi....join埋阿姨...
開場表哥就有出場喇...哈哈,佢個角色都好好笑架...
成套劇都好睇....好睇過上次....有d爛gag位....
不過都好正的....有幾個actor上次睇都見過....
ending的時候,個個都有喊....次次果d位我又想喊...
因為佢地個個都會提到屋企人....
有時,我地所追求的,就係最想得到屋企人的支持嘛...
表哥收到一把傘呀....上面寫住「雨停」....哈哈哈
因為我表哥個名叫「鄧羽庭」....hehehe...幾有創意呢...
見到表哥的演技都ok呀....幾鍾意睇....仲有佢一大班actor,actoress...
suddenly,記起以前一大班人努力之後成功的感覺...
form 5的last day performance....個個之前又勞氣又炆...
但係完哂果一刻...個個都開心又流淚....
過程辛酸,但係,得到的是難能可貴的....
番到tuen mun係海霸飲夜茶....同媽媽講左自己的夢想(理想)??
佢聽得好開心呢....冇錯我黎婉家就係一個咁平凡的人....
唔可以俾我阿媽湊孫....因為佢湊大我經已好辛苦....
阿媽聽到呢一part....笑得好開心呢....但係佢都同我講...
女人要識為自己做打算..........
講得好!!!阿媽話只要我有能力逃離安定村就夠,佢住係度都ok...
雖然話係咁講....不過,我一定要佢住下由佢個女買返黎的居屋....
um....努力搵錢......係我25years old之前的目標.........



我表哥呢......前面個女仔係戲入面係佢的心儀女孩呀~

26/3 hea day...]]
全日hea......分分秒秒都在hea....
明明就有一大堆做唔完的功課等住我...
我就係唔做....幼稚??反叛?!?
唔係....只係我唔想做....咁大個人,冇得迫架....
一係就做做下...走左去上網....做做下...去左同阿媽閒談...
唉~其他功課都serious的在做....唯獨就係作故事...
我絕對地hea做.....一來..我唔鍾意俾人迫我去參加比賽...
比賽呢架野....梗係optional架嘛...有咩理由迫一大堆人參加,
為左人地頒個"優異獎"???????????無聊.....
今日好炆.....因為,我好想記得自己今朝發的一個夢..........
個夢入面,我見到一個現實生活我好驚見到的人....
好耐冇見過佢....我近乎忘記左呢個人.....
但係次次係我唔記得的時候,佢都會係我夢入面出現....
夢入面,我唔驚佢...我同佢仲係好平常咁傾計...
最記得我係同佢一齊整野食.....個feeling好自然~
依家諗起都好奇怪....有d掛念以前的時間........
不過,人係要向前行.....時間都向前走....
加上現在的生活,都很好呀...我也好滿足*:]

嘩....打左好長的日記呀....如果係真係由頭睇到尾...
真係thank you呢...有人聽我講.......
好明顯你一係就係我好好朋友...
一係你就好8掛想知我的事啦....哈哈哈...
anyway...打得出黎就唔驚...
仲有幾個鐘就要番學喇.....又係星期一呀.......shit~