Yanzi Concert Part 2

簡直係萬眾期待到爆的一日.....
係我咁大個囡第一次睇咁前....第四行呀........
當然啦....因為仲係同男朋友去啦.....睇完part 1睇part 2....
哈哈....自己諗諗下都覺得好好笑...
上次遲到睇唔到個opening,今次我地搭3未夠就坐定定.....
發現自己雖係第四行,但變相我地係第八行.....(因為前面有零,負一,負二,同負三行)
我地好驚坐正我地前面的係一d好hyper的人......佢地兩個第三行未黎之前,
我地就望住坐第二行的一位阿叔,佢坐正係smauel前面,
samuel話阿叔都唔會hyper得去邊.....但係我見到阿叔有螢光棒喎*
開場之前我仲要同21行的tam相認下.....哈哈...幾經辛苦呀~*
開場喇......yanzi清唱了「風爭」,之後就係快歌「奔」...
嘩....升高個台唱「我不難過」....我好留心咁聽呢....
因為我地都好鍾意「我不難過」,而且好有感觸呀果一刻*
yanzi好似除褸果陣....hyper的阿叔仲要大嗌一句:「好漂亮哦」
真係頂阿叔唔順呀....完全估佢唔到地hyper~*yanzi唱歌跳舞都好好睇...
大部份同part 1是一樣的.....不過行數唔同,視野都好唔同.
本來知道頭場有fiona同miriam,我同samuel都覺得唔抵....
但係都係果句,睇蔡健雅絕對難過見fiona同miriam.
sammi都有黎睇,我坐正佢對台,都認到佢呀~*
蔡健雅同yanzi一齊唱的歌的確好好聽....依家我都迷上左....
唱唱下....仲有林一峰做嘉賓呢....唱左the best is yet to come*
仲到尾段,yanzi就話自己有個白馬王子了.....原來係劉德華....
估唔到有劉華呀~佢同yanzi又攬又錫呀....yanzi好得意呢....
ending佢唱左「the moments」同part 1一樣啦....
ncore都係我仍然期待的「綠光」.....「夢不落」同「天黑黑」....
全場都一齊唱呢......最尾yanzi又過黎握手,本來預好左個位去影yanzi大特寫.
但係果一刻......hyper的阿叔個頭完完全全咁cover左yanzi......我頂!!!
唔捨得yanzi呢....真係唔知幾時再有得睇喇.... yanzi唱live同聽cd係冇分別架!!
只係知要去買佢的dvd.........
出左紅館就排隊一齊買左電話繩....yanzi的呀....幾靚啦.....
排完就係門口等左一陣,yanzi就出左黎喇.....好多歌迷都有等佢呢...
oh.....送走了yanzi喇....返屋企....我過左良景食宵夜呢~
呵呵....超開心的一晚......個感覺好特別~
我upload左一個我現場錄的video呢....
你地如果睇得好窒....等佢play左之後就pause左佢....
等條灰色bar load左一半先再play黎睇啦

到我自己影果d喇.....